Саудия Арабистонида аёлларга автомобилларни бошқаришга рухсат кучга кирди
Саудия Арабистони аёллари 24 июнда уларга транспорт воситаларини бошқаришга рухсат кучга киргандан кейин эрталабдан ўз автомобилларини бошқарганча кўчаларга чиқдилар.
2017 йил сентябрда Саудия Арабистони қироли аёлларга автомобилларни бошқаришга рухсат берувчи фармон чиқарган. Бу фармон 24 июндан расман кучга кирди.
Бунгача Саудия Арабистони аёлларга машина ҳайдашга тақиқлов амал қилган дунёдаги ягона давлат бўлиб қолаётганди.
Саудия Арабистонида ҳокимият тепасига қирол Салмон келиши ва унинг ўғли Мумаммад бин Салмон валиаҳд шаҳзода этиб тайинланишидан кейин ижтимоий соҳада аввал амал қилган қатъий тақиқловлар олина бошланди.
Бир неча ой аввал мамлакатда 40 йил ичида биринчи марта кинотеатрлар фаолият юрита бошлади, яқин орада қиролликда театр пайдо бўлиши кутилмоқда. Шунингдек, аёлларнинг ижтимоий мақоми ҳам ўзгармоқда. Уларга машина ҳайдаш, спорт тадбирларига ташриф буюриш ва армияда хизмат қилишга рухсат берилди. Шунингдек, қиролликда аёлларга футбол ўйнашга изн бериш муҳокама қилинмоқда.
Мавзуга оид
14:30 / 01.10.2024
Ўзбекистон бош вазири ўринбосари Саудия инвестициялар вазири билан музокара ўтказди
19:43 / 29.09.2024
Саудия Арабистонида 2024 йилда қанча инсон қатл этилгани маълум бўлди
12:40 / 27.09.2024
Тошкентда Ўзбекистон-Саудия Арабистони ишбилармонлар форуми ўтказилиши мумкин
23:45 / 26.09.2024