ФВВ Қозоғистондаги автоҳалокат ҳақида расмий хабар берди

2018 йилнинг 25 июнь куни соат 22:15да Қозоғистон Республикаси ИИВ Фавқулодда вазиятлар қўмитасидан олинган бирламчи маълумотга кўра, шу куни тахминан соат 09:30ларда Туркистон области, Толеби туманидан ўтувчи «Олмаота-Тошкент-Термиз» автомобиль йўлининг 733-км.да «Мазда-626» русумли д/р KZ 469 BMB 13 ва микроавтобус «Ssang Yong Istana» д/р KZ 506 SLA 13 автомобиль воситаларининг тўқнашуви оқибатида йўл транспорт ҳодисаси содир бўлган.

ФВВ хабарига кўра, ҳодиса оқибатида Ўзбекистон Республикаси фуқароларидан 1 нафари воқеа жойида вафот этган, 4 нафари турли даражада тан жароҳати олиб, Чимкент шаҳар касалхонасига ётқизилган.

Вафот этган фуқаронинг жасади Чимкент шаҳар касалхонасига сақланмоқда.

Ўзбекистон Республикаси Фавқулодда вазиятлар вазирлиги «Тезкор рақамлари» (+998 71) 147-10-50.

Ўзбекистон Республикасининг Қозоғистон Республикасидаги Дипломатик ваколатхонаси +7 727 291-06-44.