Тошкент вилояти ИИБ ёш терговчи ва суриштирувчиларни ўз сафига қабул қилди

Ички ишлар вазирлиги Академиясини тамомлаган 16 нафар битирувчи Тошкент вилояти ИИБ ҳузуридаги Тергов бўлимларининг терговчи ва суриштирувчи лавозимларига тайинланди. Вилоят ИИБ матбуот хизмати шу ҳақида хабар берди.

Ёш ходимларга тергов жараёнида зарур бўладиган барча иш қуроллари - компьютер жамланмаси, хизмат дафтарлари, терговчи махсус сумкаси, амалий қўлланма ва эслатмалар, жиноят, жиноят процессуал ва маъмурий кодекслар хамда канцелярия анжомлари топширилди.

Тошкент вилояти ИИБ бошлиғи полковник А.А.Алламуродов ёш ходимларнинг ишга қабул қилинганини расман эълон қилди ҳамда уларнинг бошланаётган меҳнат фаолиятида омад тилади.

Ўтказилган тадбирда янги лавозимга тайинланган терговчи ва суриштирувчилар хамда уларнинг ота-оналари сўзга чиқиб, ёшларни кўллаб-қувватлаганликлари ва уларнинг илк қадамлариданоқ барча керакли анжомлар билан таъминлаганликлари учун Ички ишлар бошқармаси раҳбариятига миннатдорчилик билдиришди.