Илон Маск таиландлик болаларни қутқариш учун мосламани синовдан ўтказмоқда

Фото: Видеодан кадр

SpaceX ва Tesla компаниялари раҳбари Илон Маск Таиландда ғорда қолаётган болаларни қутқариш учун таклиф қилган сув ости мосламаси – мини-субмариналарни синовдан ўтказа бошлади.

Аввалроқ Маск ғоршунослар билан доимий алоқада бўлаётганини ва болаларни қутқариш учун турли механизмларни ишлаб чиқаётганини маълум қилганди.

Жумладан, Маск улар билан қутқарув капсуласи механизмини муҳокама қилмоқда. Бу қурилма эвакуация ўтказиш учун етарлича хавфсиз бўлиши лозим.

Ўсмирлар футбол жамоасининг 12 аъзоси ва уларнинг мураббийи июнь охиридан бери Таиланд шимолидаги Кхао Луанг ғорида қолмоқдалар. Ғорга айлангани кирган болалар у ерга кириш жойи ёмғирлар сабабли сув остида қолгани учун ундан чиқиб кета олишмаяпти.