Ҳайдовчининг тажрибасизлиги сабаб юз берган автоҳалокатда икки киши ҳалок бўлди

Иллюстратив фото

Жиззах вилоятининг Зомин туманида 20 июль куни “Қайирма” маҳалласида яшовчи Э.Т. бошқарувидаги “Нексия” русумли автомашинани “Даштобод-Зомин-Бахмал-Ғаллаорол” автомобиль йўлининг 62-км.да ҳайдаб кетаётиб, бошқарувни эплай олмай қарама-қарши томондан ҳаракатланиб келаётган фуқаро М.М. бошқарувидаги “Нексия” русумли автомашинаси билан тўқнашув содир этган.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Натижада Э.Т. бошқарувидаги “Нексия” автомашинаси йўловчиси, унинг бирга яшаган отаси М.Р. ва М.М. бошқарувидаги “Нексия” автомашинаси йўловчиси, Жиззах шаҳрида яшаган С.М. тан жароҳати олиб, воқеа жойида ҳалок бўлганлар.

Тайёрлаган: Отабек Матназаров

#ЙТҲ #Жиззах #Зомин