АҚШнинг таҳдидидан сўнг Туркия Ташқи ишлар вазири мулоқотга киришмоқчи

АҚШ Туркияга иқтисодий санкциялар киритиш билан таҳдид қилгач, Туркия Ташқи ишлар вазири Мевлут Чавушўғли АҚШ Давлат департаменти котиби Майк Помпео билан учрашишини айтган. Бу ҳақда Reuters Туркия ташқи сиёсат маҳкамасидаги манбага асосланиб хабар тарқатмоқда. 

Гап шундаки, АҚШ вице-президенти Майк Пенс агар Туркия 2016 йил кузидан бери ушлаб турган америкалик пастор Эндрю Брансонни озод қилиш бўйича зудлик билан чоралар кўрмаса, Анқарага қарши иқтисодий санкциялар киритиш билан таҳдид қилганди. 

Пенснинг айтишича, «АҚШ маъмурияти пасторнинг озод қилиниши бўйича тинимсиз иш олиб бормоқда» ва унинг уй қамоғига ўтказилишини ижобий қаршиласа ҳам, бироқ буни етарли деб ҳисобламайди.

Туркия суди қарорига кўра Брансонга Туркия ҳудудини тарк этиш ман қилинган. Унинг иши бўйича кейинги суд жараёни 12 октябрга белгиланган.