Трамп чегараларни очмоқчи бўлган демократларни яна танқид қилди

АҚШ президенти Дональд Трампнинг маълум қилишича, Қўшма Штатлар чегараларини очмоқчи бўлган демократлар «тўла маълумотга эга эмасдир». Бу ҳақда у твиттердаги саҳифасида ёзган.

Унинг сўзларига кўра, демократларни фақат фейк янгиликларни ёзадиган оммавий ахборот воситалари қўллаб-қувватламоқда.

«Демократлар қилаётган ягона нарса - «қаршилик кўрсатиш», бу уларнинг сайловолди шиори саналади», - дея қайд этиб ўтди Трамп.

Аввалроқ, Дональд Трамп Европа иттифоқи (ЕИ) вакиллари билан томонлар ўртасидаги янги савдо битимига оид музокаралар ҳақида изоҳ берганди.

Президентнинг сўзларига кўра, давлатлар вакиллари томонларда бир-бирига нисбатан божларни жорий этиш эҳтиёжи йўқлигига доир «аниқ тушунча» пайдо бўлди. Унинг таъкидлашича, ҳозирги вақтда мамлакатлар вакиллари янги савдо битимига оид ҳужжатлар устида ишлашмоқда.