Қирғизистонда бир гуруҳ сайёҳлар тош кўчкиси остида қолди

Фото: РИА Новости / Фред Гринберг

Бир гуруҳ сайёҳлар Қирғизистондаги тоғда тош кўчкиси остида қолишди, бир киши ҳалок бўлди, жабрланганлар бор, деб хабар қилди РИА Новости Қозоғистон ташқи ишлар вазирлиги матбуот хизмати раҳбари Айбек Смадияровга таяниб.

"Бугун Қирғизистон республикасидаги Скрябин музлиги ҳудудида бир гуруҳ сайёҳлар тош кўчкиси остида қолишди. Жабрланганлар орасида тўрт нафар Қозоғистон фуқароси бор. Дастлабки маълумотларга кўра, бир киши ҳалок бўлган", — деди Смадияров.
Унинг сўзларига кўра, жароҳатланганларни олиб келиш учун Қозоғистондан вертолёт жўнатиш масаласи кўриб чиқилмоқда.