Туркия ва АҚШ санкциялар бўйича дастлабки келишувга эришди

Фото: alwtogether.com

Туркия дипломатик доираларидаги манбаларга кўра, Туркия ва АҚШ адлия вазири Абдулҳамит Гул ва ички ишлар вазири Сулаймон Сўйлуга қарши Қўшма Штатлар санкциялари бўйича дастлабки келишувга эришди. Бу The Daily Sabah ёзмоқда.

Таъкидланишича, Анқара ва Вашингтон дипломатик муносабатларни ривожлантиришга, шунингдек, мамлакатлар ўртасидаги мавжуд муаммоларни ҳал қилишга тайёрлигини билдирди.

Нашр маълумотларига кўра, Туркиядан келган делегация икки кун давомида АҚШда бўлиб, турк вазирларига нисбатан жорий этилган санкциялар бўйича музокараларда иштирок этади.

Эслатиб ўтамиз, аввалроқ Туркия икки америкалик сиёсатчининг активларини музлатиши хабар қилинганди.

#АҚШ #Туркия #санкция