Украинанинг Россия билан темир йўл қатновини тўхтатиши кимга фойда беради?

Украина Инфратузилма вазири собиқ ўринбосари Александр Каванинг маълум қилишича, Россия билан темир йўл қатновини тўхтатиш «Шимолий оқим - 2» рус газ қувури лойиҳасини амалга оширишга ёрдам беради. Бу ҳақда NewsOne хабар қилмоқда.

Унинг таъкидлашича, расмийларнинг Россия билан темир йўл қатновини тўхтатиш ҳақидаги қарор Украина обрўсига путур етказади.

«Ҳозирги шароитда, Украина томони Европа ғарбини Россия газининг Европага ишончли етказиб берувчи сифатида ишонтирмоқчи бўлган пайтда, бундай қадамлар Украинага қарши хизмат қилиши мумкин, бироқ «Шимолий оқим - 2» тарафдорларига фойда беради», - дея айтиб ўтди Кава.

Эслатиб ўтамиз, аввалроқ Украинада Россия билан темир йўл қатновини тўхтатиш режалари ҳақида маълум қилишганди.