Пекинда кучли ёмғирлар сабабли 170га яқин сайёҳлик объектлари ёпилди

Фото: AP Photo / Mark Schiefelbein

Пекин маъмурияти кутилаётган жала ва фавқулодда ҳолат хавфи сабабли пойтахтдаги 168та табиат ва меъморий сайёҳлик масканларини вақтинчалик ёпди. Бу ҳақда туризм бўйича қўмита маълум қилди.

Пекинда ноқулай об-ҳавонинг "сариқ" даражаси эълон қилинди.

Шаҳар маъмурияти аҳоли ва меҳмонларни тоғли ҳудудларга бормасликка, дарё соҳилига яқинлашмасликка ҳамда автомобилларни қиялик ва кўприклар остига қўймасликка чақирди.

Синоптиклар яқин 24 соат ичида Пекиннинг айрим туманларида ва қўшни вилоятларда 300 миллиметргача ёғин ёғишини кутишмоқда.