Қозоғистонда йил бошидан буён учта террорчилик ҳаракатининг олди олинди

Қозоғистон миллий хавфсизлик қўмитаси жорий йил бошидан буён республикада учта терактнинг олдини олди, деб хабар берди «Интерфакс-Казахстан» миллий хавфсизлик қўмитасига асосланиб.

МХҚнинг маълумотига кўра, радикаллар ҳуқуқни муҳофаза қилиш ва махсус давлат муассасаларига ҳамда маҳаллий ижро органлари бинолари ва ходимларига ҳужум қилишни режалаштиришган.

Теракт ташкил этишда айбланиб 13 нафар қозоғистонлик ҳибсга олинган.  

«Йил бошидан буён терроризмни тарғиб этгани учун 26 нафар Қозоғистон фуқароси қўлга олинган. «Ислом давлати», «Ҳайъат Таҳрир аш-Шам», «Катибад Тауҳид вал-Жиҳад» террорчи ташкилотлари фаолиятида қатнашгани учун эса 18 қозоғистонлик ушланган», – дейилади хабарда.

2017 йилда Қозоғистонда 11та терактнинг олди олинган.