Кремль АҚШ санкциялари ҳақида: яхшилик билан тугамайди

Фото: Сергей Гунеев/РИА «Новости»

Россия президенти матбуот котиби Дмитрий Песковнинг маълум қилишича, АҚШ томонидан Россияга қарши янги санкцияларнинг жорий қилиниши икки томонлама муносабатлар учун яхшилик билан тугамайди. Бу ҳақда РИА «Новости» хабар қилди.

Песковнинг таъкидлашича, Россия ҳукумати санкциялар бўйича қонун лойиҳаларига жавоб бермаяпти, бироқ уларни жиддийлик билан кузатиб боряпти.

«Бизнинг позициямиз яхши маълум, у бу чеклов чораларига нисбатан ўзгармайди. Бу икки томонлама муносабатлар учун яхши натижа бермайди», - дея айтиб ўтди Песков.

Эслатиб ўтамиз, аввалроқ Россияга қарши янги санкциялар АҚШга зарба бўлиб тушиши мумкинлиги айтилганди.

#Россия #АҚШ #санкция