Жакарта – 2018. Олимпия шаҳарчасига фото-саёҳат

Индонезия Осиё қитъасида тўрт йилликнинг энг нуфузли мусобақасига мезбонлик қилмоқда. Анъанага биноан, турнир давомида спортчилар махсус олимпия шаҳарчасида истиқомат қилишади.

Олимпия қишлоғининг тўлиқ номи – Athlete Village Kemayoran. Миллий олимпия қўмитаси матбуот хизмати ушбу шаҳарчадан фоторепортаж тақдим этди.

Шаҳарчага киришда махсус аккредитация маркази бор. У ерга кирувчи ОАВ ходимлари айнан шу ерда рўйхатдан ўтишлари лозим.

Бироз ўтиб эса сизни назорат ўтказиш жойида волонтёрлар кутиб олади.

Махсус ускуна орқали шаҳарчага кирувчиларнинг ҳужжатлари текширилади.

Ўзбекистон спорт делегацияси учун ушбу бинодан жой ажратилган.

Осиё ўйинлари тимсоллари

Бу ерда эса меҳмонлар хорижий валютани маҳаллий рупияга айирбошлашлари мумкин

Шаҳарча бўйлаб юрар экансиз, у ерда мобил алоқа компаниялари вакиллари ўз хизматларини сизга таклиф этишади.

Спортчилар ошхонасида эса сизни бир гуруҳ кўнгиллилар ана шундай эҳтиром билан кутиб оладилар

«Шаҳарча аҳолиси» шу ошхонада овқатланади.

Шаҳарчада баланд-баланд бинолар кўп.

Ушбу кўрсаткичлар орқали Миллий олимпия қўмиталар ишчи гуруҳи штабини топиб олиш мумкин

Спортчилар учун ажратилган хоналар

Жакарта шаҳри Олимпия шаҳарчасидаги меҳмонхонанинг 11-қаватидан мана шундай кўринади.

Индонезиядаги Осиё ўйинларига боғлиқ рақамлар:
- мусобақада 40та спорт тури бўйича беллашувлар ўтказилади;
- спортчилар 67та йўналишда баҳсларга киришади;
- 465та медаллар жамланмаси ўйналади;
- ўйинларни 5000 нафардан зиёд оммавий ахборот воситалари бевосита воқеа жойидан ёритиб боради;
- мусобақада 15000 нафарга яқин спортчи ва расмий шахслар иштирок этади;
- 13000 нафардан зиёд кўнгиллилар меҳмонларга ўзларининг беминнат ёрдамларини кўрсатадилар;
- Осиё ўйинлари илк маротаба икки шаҳарда (Жакарта ва Палембанг) ўтказилмоқда.