Ўзбекистон-Тожикистон чегарасида 15тагача янги назорат-ўтказиш пунктлари очилиши мумкин
Тожикистон ва Ўзбекистон чегара идоралари икки давлат чегарасида янги назорат-ўтказиш пунктларини очиш масаласини ўрганишга киришди, деб хабар берди Asia plus.
Манбанинг билдиришича, икки давлат чегарасида яқин вақт ичида 3тадан 15тагача янги назорат-ўтказиш пунктлари очилади. Улар халқаро мақомга эга бўлмайди ва қаерда жойлашиши ҳозирча маълум қилинмаяпти.
Ўзбек-тожик чегарасида янги назорат-ўтказиш пунктлари очиш ташаббуси Тожикистон президенти Эмомали Раҳмоннинг 17-18 август кунлари Ўзбекистонга амалга оширган давлат ташрифи ва Ўзбекистон президенти Шавкат Мирзиёв билан учрашуви давомида илгари сурилди.
2002 йилдаги ҳукуматлараро келишувга кўра, Тожикистон ва Ўзбекистон чегарасида 16та назорат-ўтказиш пункти ўрнатилган бўлиб, уларнинг тўққизтаси халқаро мақомга эга.
Мавзуга оид
19:53 / 16.09.2024
Ўзбекистон АҚШ билан божхона соҳасидаги ҳамкорликка оид битимни имзолади
14:40 / 16.09.2024
Германия чегараларида умумий танланган назорат жорий этиляпти
22:31 / 12.09.2024
Венгрия Еврокомиссияга қарши даъво аризасини киритиши мумкин
22:34 / 11.09.2024