Япониялик видеосъёмка учун КХДРдан чиқариб юборилди
Шимолий Корея ҳукумати мамлакатдан «жиноят» содир этган Япония фуқаросини чиқариб юборди. Бу ҳақда Associated Press Шимолий Корея оммавий ахборот воситаларига таяниб хабар бермоқда.
Расмий баёнотда айтилишича, Томоюки Сугимото бу иш бўйича сўроққа тутилган. Шунга қарамасдан, япониялик айнан қандай жиноятни содир этгани кўрсатилмаган.
Шунингдек, хабарда таъкидланишича, КХДР ҳукумати эркакка нисбатан «бағрикенглик» қилди ва мамлакатдан «инсонпарварлик тамойиллари» асосида чиқариб юборди.
Kyodo News маълумотларига кўра, эркак Нампхо шаҳрида сайёҳлар гуруҳи таркибида бўлгани ҳолда видеосъёмкани амалга оширган. Унда, тахминларга қараганда, ҳарбий объект ҳам тасвирга тушиб қолган.
Таъкидланишича, Япония ҳукумати КХДРнинг Пекиндаги элчихонаси орқали Сугимотони озод қилишга келишиб олган.
Эслатиб ўтамиз, аввалроқ Ким Чен Ин КХДРдаги тиббиёт соҳаси аҳволидан дарғазаб бўлганди.
Мавзуга оид
20:40 / 21.09.2024
Шимолий Кореяга қочиб ўтган америкалик аскар шармандаларча армиядан ҳайдалгани маълум бўлди
21:07 / 20.09.2024
Осиёда НАТОнинг ўхшаши ташкил этилиши мумкин
18:21 / 19.09.2024
Дўстона давлатлар бўйлаб турне. Шойгунинг КХДР, Эрон ва Сурияга ташрифлари ортида нима бор?
12:00 / 16.09.2024