Қашқадарёда фуқарони 126 килограмм гўштга «ухлатиб» кетишди

Қашқадарё вилоятининг Китоб туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

29 август куни ИИБга тушган ҳужжатларга кўра, шу йил 16 март куни “Ҳ.Олимжон” МФЙда яшовчи муқаддам судланган Ж.Ў. ва “Боғбон” МФЙда яшовчи муқаддам судланган Д.Б. “Шўробсой” МФЙда яшовчи С.Н.нинг уйида унга тегишли 126 кг. гўшт маҳсулотларини 3 млн. 780 минг сўмга баҳолаб, 200.000 сўм пул бериб, қолган 3 млн. 580 минг сўм пулларни 7 кун ичида беришни ваъда қилиб, сотилган гўшт пулларини ўз эҳтиёжлари учун ишлатиб юборганликлари кўрсатилган. 

Ж.Ў. ва Д.Б. ушланганлар.