АҚШ фаластинлик қочқинларга 300 млн доллар миқдоридаги ёрдамни бекор қилди

Фото: AP/Adel Hana

Америка Қўшма Штатлари Бирлашган Миллатлар Ташкилотининг фаластинлик қочқинларига ёрдам берувчи агентлигига ёрдамни тўхтатди, дея хабар беради Associated Press.

Аниқлик киритилишича, гап 300 миллион доллар миқдоридаги ёрдам ҳақида кетмоқда.

Давлат департаменти хабарида айтилишича, Қўшма Штатлар «энди бундай нотўғри, хато операцияни молиялаштирмайди».

Агентликнинг таъкидлашича, АҚШ маблағлари Иордан Ғарбий соҳилида, Ғазо секторида, шунингдек, Сурия ва Ливанда қочқинларга ёрдам берувчи БМТ агентлиги бюджетининг қарийб 30%ини ташкил қилган.

Эслатиб ўтамиз, аввалроқ Россия элчиси АҚШни Сурия бўйича огоҳлантирганди.