Бугун Тошкентда Ўзбекистон Мустақиллигининг 27 йиллиги шодиёналари доирасида халқ сайли ва байрам мушаклари уюштирилди.
Байрам салюти кечки соат 21:00дан соат 21:16 гача «Халқлар дўстлиги» санъат саройи яқинида амалга оширилди. Пойтахт аҳолиси ва меҳмонларига қулайлик яратиш мақсадида байрам салютларини томоша қилиш учун Тошкент шаҳрининг барча туманларидаги истироҳат боғлари ва майдонларида катта мониторлар ўрнатилди ва бу мониторлар орқали мушакбозликни онлайн кузатиш имконияти яратилди.
