Андижонда чет эл фуқаролари ва фуқаролиги бўлмаган шахсларнинг 50 нафарига яшаш гувоҳномалари берилди

Андижон вилоят ички ишлар бошқармаси Миграция ва Фуқароликни расмийлаштириш бошқармаси томонидан Ўзбекистон республикаси ҳудудида доимий яшаш учун мурожаат қилган чет эл фуқаролари ва фуқаролиги бўлмаган шахсларнинг 50 нафарига яшаш гувоҳномалари берилди, дея хабар қилади Андижон вилояти ИИБ Матбуот хизмати.

Бошқарма томонидан сўнгги икки йил давомида жами 1064 нафар шахснинг хужжатлари Ўзбекистон Республикаси Вазирлар Махкамасининг 178 – сонли қарори асосида Ўзбекистон Республикасида доимий қолиш масаласи вилоят ҳокимлиги ҳузурида маҳсус комиссияда кўриб чиқилди. Махсус комиссия томонидан 1053 нафар шахс ижобий рухсат этилганлиги сабабли, бугунги кунга қадар 578 нафар хорижий фуқаро ҳамда фуқаролиги бўлмаган шахсларЎзбекистон Республикасида яшаш гувоҳномасига эга бўлдилар.