Шавкат Мирзиёев Қашқадарёга жўнаб кетди

Ўзбекистон Республикаси президенти Шавкат Мирзиёев Шаҳрисабз шаҳрида бўладиган Халқаро мақом санъати анжуманининг очилиш маросимида иштирок этиш учун 6 сентябрь куни Қашқадарё вилоятига жўнаб кетди. Бу ҳақда давлат раҳбари матбуот хизмати хабар бермоқда.

Шаҳрисабз шаҳрида президент ташаббуси билан 6-10 сентябрь кунлари I Халқаро мақом форуми ўтказилмоқда. Шу мақсадда соҳибқирон Амир Темурнинг маҳобатли ҳайкали ўрнатилган Оқсарой майдони ҳудудида ҳар бир вилоятнинг ўзига хос миллий урф-одат ва анъаналари, тарихий обидаларини акс эттирувчи намуналар ўрнатилган. 

Халқаро мақом санъати анжуманида 75 давлатдан 300дан ортиқ санъаткорлар иштирок этиш истагини билдирган.