Самарқандда 200 млн сўмлик фирибгарликни содир этган аёл ушланди

Самарқанд шаҳрида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

2018 йил 7 сентябрь куни ИИБга тушган ҳужжатларга кўра, шу йил 20 июль куни “Сўғдиёна” масканида яшовчи У.А. исмли аёл ИИБга мурожаат қилиб, унда 2016 йил декабрь ойи бошларида Пастдарғом туманида яшовчи Н.Р. исмли аёл унга 200 миллион сўм пулини банк орқали фоизга қўйиб кўпайтириб беришни ваъда қилиб, алдов йўли билан ундан 200 млн сўм пулини олиб, берган ваъдасини бажармай пулларни ўз эҳтиёжлари йўлида ишлатиб юборганлигини маълум қилган. 

Ҳолат юзасидан жиноят иши қўзғатилиб, Н.Р. қўлга олинган. Тергов ҳаракатлари олиб борилмоқда.