Ўзбекистон ва Россия дори воситалари ишлаб чиқариш бўйича ҳамкорликни муҳокама қилди

Ўзбекистон Республикаси Соғлиқни сақлаш вазирлиги ҳузуридаги Фармацевтика саноатини ривожлантириш агентлиги раҳбари Азиз Абдуллаев Москвада Россия фармацевтика маҳсулотлари ишлаб чиқарувчилари билан учрашув ўтказди.

Учрашувда «Сотекс», «Нанолек», «Валента Фарм», «Дальхимфарм» ва бошқа компаниялар вакиллари иштирок этишди.

Учрашув давомида Россия компаниялари Ўзбекистондаги фармацевтика саноати ва маҳаллий ишлаб чиқарувчиларга тақдим этиладиган имтиёзлар ҳақида маълумот олдилар.

Азиз Абдуллаевнинг қайд этишича, Ўзбекистон импортнинг улушини камайтириш ва фармацевтика маҳсулотлари ишлаб чиқаришни маҳаллийлаштиришни мақсад қилиб қўйган.

Унинг сўзларига кўра, ҳозирги вақтда Ўзбекистонда фармацевтика маҳсулотларини ишлаб чиқаришга Хитой, Ҳиндистон ва Корея компаниялари томонидан қизиқиш билдирилмоқда.