Қашқадарёдаги тўйхона олдида жанжал юз берди, бир киши вафот этди

Шу йилнинг 7 сентябрь куни кечки вақтларда Қашқадарё вилоятининг Ғузор туманида яшовчи И.Р. ва унинг маҳалладоши А.Р. Мустақиллик кўчасида жойлашган “Сарбон” тўйхонаси олдида ўзаро жанжал оқибатида 30 ёшли Д.Н. танасининг турли жойларига уриб-тепиб жароҳат етказиб, воқеа жойидан кетиб қолганлар.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Натижада Д.Н. касалхонага олиб кетилаётганида вафот этган. Кўрилган чоралар натижасида И.Р. ва А.Р. ушланган. 

Ҳолат юзасидан жиноят иши қўзғатилиб, тергов ҳаракатлари олиб борилмоқда.