WhatsApp тугмачали телефонлар учун версиясини тақдим этди

WhatsApp мессенжери JioPhone тугмачалари телефонлар учун версияни тақдим этди. Бу ҳақда компания блогида айтилади.

JioPhone бренди остида Ҳиндистоннинг Jio алоқа оператори 4G’га кириши мумкин бўлган, KaiOS операцион дастури базасидаги тугмачали телефонларни ишлаб чиқаради. 2018 йилнинг июнь ойида KaiOS ишлаб чиқарувчилари Google’дан платформани ривожлантириш учун 22 миллион доллар олишди.

Ушбу операцион тизим Firefox OS асосида яратилган, уни ишлаб чиқиш бўйича лойиҳа Mozilla томонидан 2017 йилда ёпилади. KaiOS билан нафақат Ҳиндистоннинг JioPhone’и, балки Nokia, TCL ва Micromax’дан телефонлар ҳам ишлайди.

Тугмачалари бор телефонлар учун WhatsApp’ни 2018 йил 10 сентябрдан иловалар дўконидан юклаб олиш мумкин. Мессенжердан ташқари, KaiOS’даги қурилмаларда «Google Харита», YouTube, Facebook ва бошқа иловалардан фойдаланиш мумкин.