Наркология диспансерида калтакланган бемор касалхонага ётқизилди

Иллюстратив фото

2018 йилнинг 9 сентябрь куни Жиззах вилояти Пахтакор туманида яшовчи Ж.А. тан жароҳати билан РШТЁИМнинг Жиззах вилоят филиалига ётқизилган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, олиб борилган суриштирув ишлари натижасида шу йил 24 август куни Ж.А. вилоят Наркология диспансерида даволанаётган вақтида шу Наркология диспансери санитари Ж.Ж. унинг бош ва юз қисмларига қўли билан уриб, жароҳат етказганлиги аниқланган.

Кўрилган чоралар натижасида Ж.Ж. қўлга олинган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.