АҚШда XIX асрда барпо этилган шаҳарча сотувга қўйилди
АҚШнинг Жоржия штатида Тумсборо шаҳри деярли бутунлигича сотувга қўйилди. Харидор нафақат турар жойлар, балки кўплаб бошқа иншоотлар: ресторан, меҳмонхона, тегирмон ва ҳаттоки “опера театри”ни қўлга киритади, деб айтилган Craigslist сайтида жойланган эълонда.
Шаҳар 1,7 млн долларга сотилмоқда. Таъкидланишича, бу қиймат Нью-Йорк ёки АҚШнинг бошқа бироқ йирик шаҳридаги нуфузли тумандаги квартира нархига тенг.
Харидор, шунингдек, пахта сақлаш учун омбор, банкет зали, сартарошхона, эски банк биноси, 1869 йилда қурилган темир йўл депоси, сунъий ҳовуз, артезиан чашмасига эга бўлади.
“Шаҳарнинг ҳозирги эгалари Тумсборо яхши қўлларга тушишига умид қилишмоқда. Шаҳарнинг янги эгалари бу жойнинг ўзига хослигини ва унинг тарихий қиёфасини сақлаб қолишлари муҳимлигини англашлари лозим”, деб айтилган сайтда. Шаҳарни сотувга қўйганлар ундан туристик маскан ва очиқ осмон остидаги музей, мусиқий фестиваллар ёки фильмлар суратга олиш жойи сифатида фойдаланиш мумкинлигини айтишмоқда.
Тумсборо шаҳри XIX асрнинг иккинчи ярмида темир йўл депоси атрофида барпо этилган. Унинг умумий майдони 4,9 кв. км ни ташкил қилади.
Мавзуга оид
23:13 / 21.09.2024
Ҳаррис сайлов кампаниясида Трампдан уч баробар кўп маблағ тўплади — ОАВ
20:40 / 21.09.2024
Шимолий Кореяга қочиб ўтган америкалик аскар шармандаларча армиядан ҳайдалгани маълум бўлди
17:10 / 21.09.2024
АҚШда “полициячи” робот жиноятчини тутиб берди
16:27 / 21.09.2024