Фото: AP/Chris Stewart
Америкалик тадбиркор, саховатпеша ва Salesforce корпорацияси директори Марк Бениофф рафиқаси билан бирга Meredith медиа конгломератидан Time журналини 190 млн долларга сотиб олмоқда. Бу ҳақда CNN телекомпанияси маълум қилди.
Ушбу харид бўйича битимни 30 кундан кейин ёпиш режалаштирилмоқда.
Meredith 2017 йилда ўнлаб ОАВ, жумладан Time, Fortune ва People журналларига эгалик қилувчи Time Inc. матбаа компаниясини сотиб олганди. The New York Times нашри маълумотларига кўра, ўша битимда ака-ука миллиардерлар Чарльз ва Дэвид Кохлар иштирок этишганди. Meredith уларга тегишли тузилмалардан ушбу мақсадда 650 млн доллар олган.
