Футбол учрашувида тез ёрдам машинасининг ўзига ёрдам керак бўлди

Футбол бўйича Бразилия чемпионатидан ўрин олган “Васко да Гама” ва “Фламенго” клублари ўртасидаги учрашувда ҳам кулгули, ҳам ачинарли воқеа юз берди. Ўйин вақтида “Васко да Гама” ҳимоячиси Бруно да Силвага тиббий ёрдам талаб этилган ва майдонга тез тиббий ёрдам машинаси чиққан. Бироқ машина двигатели ўчиб қолгани сабабли мустақил равишда майдонни тарк эта олмаган. 

Натижада икки жамоа ўйинчилари “бир ёқадан бош чиқариб” тез ёрдам машинасини итаришга тушишган.  Машина бир неча метрдан кейин ўзи юриб кетган.  

Айни вақтда “Фламенго” мусобақа жадвалининг 4-ўрнини, “Васко да Гама” эса 17-ўрнини эгалламоқда.