Тошкент, Жиззах ва Қарши шаҳарларида “Корея Фестиваль - 2018” бўлиб ўтади

22 сентябрдан 2 октябрга қадар Тошкент Жиззах ва Қарши шаҳарларида “Корея Фестиваль - 2018” тадбири бўлиб ўтади. Бу ҳақда Маданият вазирлиги Матбуот хизмати хабар бермоқда.

Жорий йилнинг 18 сентябрь куни Ўзбекистон Республикаси Маданият вазири Бахтиёр Сайфуллаев ва Корея Республикасининг Ўзбекистондаги Фавқулодда ва мухтор элчиси Квон Ён У вазирлик биносида учрашишди. 

Учрашув доирасида маданият вазири икки мамлакат анъаналари ва маданиятининг яқинлиги ҳамда ўзбек халқининг Корея халқи санъатига бўлган қизиқиши ва ҳурмати беқиёслиги ҳақида таъкидлади. Элчи ўз сўзларида Ўзбекистон Республикаси Президентининг ташаббуси билан илк бора ташкил этилган Халқаро мақом санъати анжумани бутун дунёни мақом санъатига чорлаганини эътироф этди.​