Кремль С-300 бўйича маълумотни ошкор этишдан бош тортди

Фото: Анатолий ЖДАНОВ

Россия президенти матбуот котиби Дмитрий Песков Сурияга С-300 тизимларини етказиб бериш шартлари ҳақидаги жавоб беришдан бош тортди. Бу ҳақда РИА «Новости» хабар қилмоқда.

«Мен сизга бу ҳақда аниқ ниманидир айта олмайман. Бу ҳолатда мен сизнинг саволингизни жавобсиз қолдираман», - деди Кремль вакили.

Шу билан бирга, унинг таъкидлашича, Дамашққа комплексларни етказиб бериш учинчи давлатларга қарши қаратилмаган.

«Улар фақат бизнинг ҳарбийлар хавфсизлигини таъминлаш мақсадида амалга оширилади», - дея хулоса қилган Песков.

Исроил бош вазири Биньямин Нетаньяху Владимир Путин билан мулоқотда «замонавий қуролларни масъулиятсиз қўлларга топшириш минтақадаги хатарларни кучайтириши»ни маълум қилганди.

Эслатиб ўтамиз, аввалроқ Исроил С-300 машмашаси туфайли ташвишга тушиб қолгани хабар қилинганди.