Facebook реклама кўрсатишда фойдаланувчиларнинг телефон рақамларидан фойдаланишини тан олди

Фото: Angelica Alzona

Бостон шимоли-шарқий университети ва Принстон университети олимлари Facebook фойдаланувчиларнинг шахсий маълумотларини реклама берувчиларга тақдим этиш орқали таргетингни таклиф қилишини аниқлашди. Бу ҳақда Gizmodo ёзмоқда.

Тадқиқотлардан маълум бўлишича, Facebook фойдаланувчи ўз профилини ҳимоя қилиш мақсадида киритган телефон рақами асосида реклама кўрсатади.

Facebook вакили ижтимоий тармоқ реклама таргетинги янада аниқроқ бўлиши учун фойдаланувчилар телефон рақамларидан фойдаланишини тасдиқлади.

Бундан ташқари, Facebook бошқа фойдаланувчиларнинг телефон китоби орқали ҳам ижтимоий тармоқ фойдаланувчисининг рақамини аниқлаши маълум бўлди.