Россия БМТ кучларини Донбассга киритишга рози бўлди

Россия Донбассда ЕХҲТ кузатувчиларига БМТ қўриқлаш хизматини беришга рози бўлди. Бу ҳақда БМТ Бош ассамблеясида Россия ташқи ишлар вазири Сергей Лавров маълум қилган.

«Биз Украинада ЕХҲТ миссияси фаолиятини қўллаб-қувватлаймиз, унинг кузатувчиларига БМТ қўриқлаш хизматини беришга тайёрмиз. Бироқ, Киев Минск келишувларини бажариш, Донецк ва Луганск билан мулоқот ўрнига Донбассга Ғарб қўллаб-қувватлови остида ишғол этиш кучларининг киритилиши ҳақидаги иллюзиялар билан яшамоқда. У кўпроқ куч сценарийлари билан таҳдид қилмоқда», - дея маълум қилди Лавров.

Россия дипломатияси раҳбарининг таъкидлашича, чўзилиб кетган ички Украина можаросининг омилларидан бири - радикал-миллатчилик ва неофашизмнинг ўсиши, «бунда СС байроқлари остида жанг қилган жиноятчилар қаҳрамонлар деб эълон қилинди». «Ҳозирги Киевдаги ҳокимиятни қўллаб-қувватлаётганлар ўз шогирдлари тўғри йўлга бошлаши, уларни Донбасс қамалини ва бутун Украина ҳудудида миллий озчиликларни камситишни тўхтатишга мажбурлаши лозим», - дея хулоса қилди Лавров.

Эслатиб ўтамиз, аввалроқ Порошенко АҚШнинг кўмаги Россияни тийиб туришда ёрдам бераётгани ҳақида маълум қилганди.