![](https://storage.kun.uz/source/3/KnUYkjTOCp_CfjTo-NDu1csfBi1sF_JN.jpg)
Фото: allcarz.ru
Хитойнинг Chery автомобилсозлик компанияси деярли 176 мингта машинасини бензонасослардаги носозлик сабабли қайтариб олмоқда. Бу ҳақда “Синьхуа” ахборот агентлиги маълум қилди.
1 ноябрда бошланадиган кампания 2005 йил 1 мартидан 2016 йил 24 июнигача ишлаб чиқарилган 7 та моделдаги машина, жумладан А5 ва Cowin 3 моделларини қамраб олади.
Таъкидланишича, нуқсон машинанинг юриб кетаётганида тўхтаб қолишига олиб келиши мумкин, бу эса хавфсизликка таҳдид яратади. Компания носоз деталларни бепул алмаштириб беради.