Фото: CC BY 2.0 / Heath Cajandig
Пентагон 5-авлоддаги F-35 қирувчи самолётларининг барча парвозларини тўхтатиш ҳақида кўрсатма берди.
Мутахассисларнинг фикрича, самолётларнинг ёнилғи тизимида носозлик бўлиши мумкин. У топилса, носоз деталь алмаштирилади. Шунингдек, АҚШ ва бошқа давлатлар қуролланишида бўлган барча F-35’лар текширилади.
Таъкидланишича, текширув 24 соатдан 48 соатгача бўлган муддатда тугаши кутилмоқда.
Бундай қарор 28 сентябрда Жанубий Каролина штатида F-35B самолёти биринчи марта қулагандан кейин қабул қилинган.
АҚШ самолётни яратиш бўйича ишларга 1,5 трлн доллар сарфлаганига қарамасдан, ОАВ самолётда кўплаб техник муаммолар мавжудлигини маълум қилган.
