Ўзбекистон ва Қозоғистон чегара масаласида музокара ўтказди

Фото: kazpravda.kz

2018 йилнинг 8-12 октябрь кунлари Тошкент шаҳрида Ўзбекистон Республикаси ва Қозоғистон Республикаси ўртасидаги Давлат чегарасини демаркация қилиш бўйича Ўзбекистон – Қозоғистон музокараларининг навбатдаги раунди бўлиб ўтди.

ТИВ ахборот хизмати хабарига кўра, музокаралар чоғида Ўзбекистон-Қозоғистон давлат чегара чизиғи айрим участкаларини демаркация қилиш бўйича якуний ҳужжатларнинг лойиҳалари тайёрланди.

Учрашувда Ўзбекистон-Қозоғистон давлат чегарасида 2019 йилда бажарилиши режалаштирилаётган дала демаркация ишлари кўлами ҳам муҳокама қилинди.

Ҳукумат делегацияларининг кейинги учрашувини жорий йилнинг ноябрь ойида Қозоғистон ҳудудида ўтказиш белгиланган.