Тошкентда “Дўстлик” фестивали доирасида китоб ярмаркаси ташкил этилди
Тошкент шаҳрининг "Сайилгоҳ" кўчаси ҳамда янги рус адабиётининг асосчиси — А.С.Пушкин ҳайкали атрофида Ўзбекистон Республикаси ва Россия Федерацияси ўртасидаги биринчи ҳудудлараро Форум "Дўстлик" фестивали доирасида китоб ярмаркаси ташкил этилди.
Тошкент шаҳар ҳокимлиги, Ўзбекистон матбуот ва ахборот агентлигининг тизимдаги нашриёт-матбаа ижодий уйлари ва Тошкент шаҳар ҳудудий бошқармаси ҳамкорлигида ўтказилаётган ярмаркада ўзбек ва рус адабиётшунос олимлари, ёзувчи ва шоирларининг китоблари арзонлаштирилган нархларда сотувга қўйилди.
Шунингдек, маданий тадбирларда мутасадди ташкилотлар томонидан миллий ва замонавий ҳунармандчилик кўргазмаси, ўзбек рассомларининг асарлари, саҳналаштирилган театр томошалари, рақс концерт дастурлари, миллий таомларнинг тайёрланиши ва уларнинг савдоси ҳам ташкиллаштирилди.
"Дўстлик" шиори остида маданий тадбирлар ва китоб ярмаркаси давом этмоқда.
Мавзуга оид
14:40 / 31.08.2024
Россияда тақиқланганлар реестрига бешта китоб сайти киритилди
16:36 / 23.07.2024
Халқ зиёли бўлиши учун болалар китоб ўқиши керак – ҳукумат бунда қандай иштирок этади?
12:01 / 19.07.2024
Ўзбекистонда қарийб 40 миллионга яқин китоб фонди рақамлаштирилади
10:14 / 09.07.2024