«Дори-дармон» дорихоналар тармоғи Америка компанияси бошқарувига ўтди

«Дори-дармон» дорихоналар тармоғининг бошқаруви Американинг United Investment Healthcare компаниясига ўтди. 

Вазирлар Маҳкамасининг қарорига мувофиқ, Американинг United Investment Healthcare Group компанияси «Дори-Дармон» устав капиталидаги давлат улушини (71 фоиз) қўлга киритади.

Қайд этилишича, мазкур қарор «Дори-дармон» компанияси бошқаруви самарадорлигини ошириш, корпоратив бошқарувнинг замонавий услубларини жорий этиш ҳамда аҳоли ва республика тиббиёт муассасаларини сифатли дори-дармон воситалари ва тиббиёт буюмлари билан узлуксиз таъминлаш мақсадида қабул қилинди.

“Дори-Дармон” компанияси дори сифатида фойдаланиладиган наркотик психотропик дори воситаларини давлат касалхоналарига етказиб берадиган ягона таъминотчи саналади.