Саудия Арабистони бош прокурори Сауд Ол-Мўжаб журналист Жамол Қошиқчи қасддан ўлдирилганини тан олди. Бу ҳақда Al Arabiya телеканали маълум қилди.
Телеканал маълумотларига кўра, Саудия прокуратураси журналистнинг ўлдирилишига алоқадорликда гумон қилинаётганларга нисбатан терговни давом эттирмоқда.
Бунгача Ар-Риёднинг позицияси журналист Истанбулдаги консулликда сўроқ вақтида чиққан можаро давомида бехосдан ўлдириб қўйилганидан иборат бўлган. Бироқ Туркия президенти Ражаб Тоййиб Эрдўған 23 октябрда қотиллик аввалдан режалаштирилганини айтган.