Болгарияда бензин нархининг кўтарилишига қарши оммавий норозилик намойишлари бўлиб ўтди

Болгарияда ҳукумат истеъфоси талаб қилинган оммавий норозилик намойишлари бўлиб ўтди. Бу ҳақда ТАСС хабар бермоқда.

Агентлик маълумотларига кўра, намойишчилар бензин ва суғурта полиси нархларининг кўтарилишига қарши чиқишган.

Қайд этилишича, тадбир иштирокчилари эски автоуловларга транспорт солиғи миқдорининг ошишини ҳам танқид қилишган.

Шу билан бирга, намойишлар натижасида мамлакатнинг асосий магистраллари қисман тўсиб қўйилди.

Эслатиб ўтамиз, аввалроқ Францияда ёқилғи нархлари ўсиши туфайли транспорт ходимларининг оммавий норозилиги бошланганди.