Fransiyada yoqilg‘i narxining ko‘tarilishiga qarshi ommaviy noroziliklarda bir kishi halok bo‘ldi

Fransiyada yoqilg‘i narxlari o‘sishi tufayli transport xodimlarining ommaviy noroziligi boshlandi. Bu haqda «Bi-bi-si» xabar qilmoqda.

Ta'kidlanishicha, aksiya paytida bir namoyishchi halok bo‘lgan. Shuningdek, bir necha odam jarohat olganligi xabar qilinmoqda.

Nashr ma'lumotlariga ko‘ra, sariq ko‘ylaklardagi 120 mingga yaqin transport xodimlari ko‘chalarga chiqqan.

Ta'kidlashicha, ular Fransiya prezidenti Emmanuel Makronni u «kichik odamlar»ni unutib qo‘yganligida ayblashmoqda.

Xabar qilinishicha, hukumat noroziliklarni to‘xtatmaydi, ammo yo‘l harakati tarmoqlarida harakat falaj holatga tushishiga yo‘l qo‘ymaydi.