ОАВ: «Барселона» Неймарни қайтариш бўйича музокара олиб бормоқда

«Барселона» раҳбарияти ҳужумчи Неймарни «Пари Сен-Жермен»дан клубга қайтаришга ҳаракат қилиб кўриш тўғрисида қарор қабул қилди.

Goal маълумотига кўра, кўк-анорранглилар раҳбарлари бразилияликнинг вакиллари билан алоқага чиқиб, Неймар трансфери борасида таклиф беришга тайёр эканликлари ҳақида билдиришган. Бироқ, бунда унинг ўзи келишув ташаббускори бўлиши талаб этилади.

26 ёшли Неймар 2017 йилнинг ёзида «Барселона»дан «ПСЖ»га 222 млн евро эвазига ўтди. Таъкидланишича, унинг парижликлар билан шартномасида, у кимдир шу пулни таклиф қилса, клубни тарк этиши мумкинлиги ҳақида банд бор.