НАТО аъзоси бўлган мамлакат армиясини биринчи марта аёл киши бошқарадиган бўлди

Генерал-майор Аленка Эрменц Словения қуролли кучлари бош штаби бошлиғи этиб тайинланди. У бу лавозимни эгаллаган биринчи аёлга айланди, деб хабар қилмоқда BBC News.

Таъкидланишича, Аленка Эрменц 1991 йилдан буён республика қуролли кучлари сафида хизмат қилади. 2009 йилда у Лондондаги Қироллик ҳарбий коллежини тамомлаган ва магистр даражасини олган. 2018 йилнинг ноябрида унга генерал-майор унвони берилди.

Бундан аввал Эрменц бош штаб бошлиғининг ўринбосари лавозимини эгаллаган. Словения қуролли кучлари собиқ раҳбари генерал-майор Алан Федер мамлакат ҳукумати қарори билан ишдан олинди. Тегишли таклиф мудофаа вазири Карл Эрьявц томонидан берилди.

Эслатиб ўтамиз, аввалроқ Украина ва НАТО «Россия тажовузкорлиги туфайли» комиссия мажлисини зудлик билан чақириши хабар қилинганди.