Мексикадаги мигрантлар АҚШда бошпана олиш учун очлик эълон қилишни режалаштирмоқда

Фото: REUTERS / Go Nakamura

Мексика чегарасида бўлиб турган мигрантлар АҚШдан бошпана беришлари мақсадида очлик эълон қилишни режалаштиришмоқда. Бу ҳақда РИА «Новости» хабар қилган.

Аниқлик киритилишича, яқин кунларда мигрантлар етакчилари ушбу чорани Америка ҳукумати позициясини «юмшатиш» воситаси сифатида қўллаш ёки қўлламаслик тўғрисида қарор қабул қиладилар.

Аввалроқ, Мексика Ташқи ишлар вазирлиги Америка Қўшма Штатларига АҚШ чегараси орқали ўтишга уринган мигрантларга қарши қурол қўлланилганини текшириш талаби қўйилган дипломатик нота юборганди.

Эслатиб ўтамиз, бундан аввал мигрант аёл АҚШдан 60 млн доллар талаб қилгани хабар берилганди.