Погба жазоланди - «МЮ»да вазият ҳамон нотинч

«Манчестер Юнайтед» клуби яримҳимоячи Поль Погбани жазолашга қарор қилди, деб хабар беради Daily Mail.

Аввалроқ, Жозе Моуриньо истеъфога чиқарилгач, Погба инстаграм саҳифасига истеҳзо билан тиржайиб турган фотосуратини жойлаштирган эди. Кейинчалик, футболчи суратни ўчириб ташлаган бўлса-да, мухлислар уни мураббийнинг истеъфосидан хурсанд экани ҳақида гумон қилишди. Шундан сўнг, инглиз клуби Погбанинг бу қилиғини ҳурматсизлик ва ноўрин деб топиб, уни жаримага тортди.

Қайд қилиш жоизки, Моуриньо ва Погбанинг муносабатлари яхши эмаслиги ҳақидаги хабарлар бир неча ойдан бери тарқалиб келаётган эди.