Рой Кин: «МЮ» футболчилари Моуриньони автобус тагига итариб юборишди»

«Манчестер Юнайтед» клубининг собиқ яримҳимоячиси Рой Кин бош мураббий Жозе Моуриньо истеъфосига изоҳ берди.

«МЮ»нинг баъзи футболчилари – заиф одамлар. Улар билан ишлаш амри маҳол. Улар ортиқча вазн тўплаб, машғулотларда суст ҳаракат қилишади. Улар уялиши керак.

Мен Моуриньонинг катта ишқибози эмасман, аммо ўз агентлари ва дўстлари орқасига яширинадиган футболчиларни қоралайман. Бу жуда кулгили ҳолат.

Қайсидир маънода улар мураббийни ўлдиришди ва жазодан қутулиб қолишди. Улар мураббий ортида турган ҳолда, уни автобус тагига итариб юборишди», – деб Кин сўзларини келтирмоқда BBC.