Туркиянинг Ўзбекистон ва яна 24 та давлатдаги элчилари алмаштирилди 

Туркия президенти Ражаб Тоййиб Эрдўған фармойишига кўра, Туркиянинг 25 та давлатдаги дипломатик миссияларига янги раҳбарлар тайинланди. Бу ҳақда “Анадолу” ахборот агентлиги хабар берди.

Жумладан, Туркиянинг Ўзбекистондаги элчиси ҳам ўзгартирилди. Бу лавозимга Мехмет Сурайё Эр тайинланган. У Аҳмад Башар Шон ўрнини эгаллайди. Мехмет Сурайё Эр бунгача Туркия ҳукумати ҳузуридаги ҳамкорлик ва мувофиқлаштириш агентлиги (TİKA) директори ўринбосари лавозимини эгаллаган.