AP: Эрон АҚШ авиаташувчиси ёнида ракеталар учирди

Фото: AFP

Эрон кемалари АҚШнинг John C. Stennis авиаташувчиси ёнида ракеталар учирди. Бу ҳақда Associated Press хабар бермоқда.

Таъкидланишича, Америка Қўшма Штатлари кемаси АҚШ Эрон ядро битимидан чиққанидан сўнг, Форс кўрфазига биринчи марта кирди. Уни Эрон инқилоб гвардияси кемалари кузатиб борган. Шу билан бирга, Эрон томони учувчисиз учар қурилма ва ракеталарни қарама-қарши томонга қараб учирган.

Аввалроқ, АҚШ ҳарбий-денгиз кучларининг John C. Stennis атом авиаташувчиси бошчилигидаги кемалари гуруҳи Форс кўрфазига кирганди.

Эслатиб ўтамиз, бундан аввал Россия Эронни АҚШ санкциялари янги тўлқинидан ҳимоя қилиши ҳақида маълумот берганди.

#АҚШ #Эрон #ракета