Қирғизистон фуқароларидан Қозоғистонга автомобилда бормай туриш сўралди

Қирғизистон ўз фуқароларини Қозоғистонга автотранспортда бормай туришини сўради. Бу ҳақда мамлакат ташқи ишлар вазирлиги сайтида айтилмоқда.

"Қирғизистон Республикасининг элчихонаси фуқароларга Қозоғистон Республикасига автомобиль транспортида сафар қилмай туришни тавсия этади", дейилади Қирғизистон ТИВ хабарида.

Хабарда бунга Қозоғистонда об-ҳавонинг кескин совиб кетиши сабаб қилиб кўрсатилган.

Маълум қилинишича, 21-22 декабрь кунлари Қозоғистоннинг айрим ҳудудларида 40 даражагача совуқ бўлади.