БМТ Бош ассамблеяси Тожикистон томонидан тақдим этилган «сув» резолюцияси лойиҳасини қабул қилди

20 декабрь куни, Бирлашган Миллатлар Ташкилоти Бош ассамблеяси 73-сессия давомида, «Барқарор тараққиёт учун сув», 2018-2028 йиллар, Халқаро ўн йиллик ҳаракатларни ўтказиш давомини ўрта муддатли, кенг қамровли кўриниши» номли резолюция лойиҳасини қабул қилди. У Тожикистон томонидан, БМТга аъзо 190 давлат билан ҳаммуаллифликда тақдим этилган, деб хабар бермоқда Тожикистон Ташқи ишлар вазирлиги ахборот департаменти.

Ушбу резолюцияда барқарор ривожланиш ва қашшоқлик ҳамда очарчиликни бартараф этишда сув ресурсларининг муҳим аҳамиятига алоҳида урғу берилган.

Шунингдек, резолюцияда таъкидланишича, иқлим ўзгариши бутун дунё бўйлаб сув танқислиги муаммосининг чуқурлашишига ҳисса қўшувчи омилдир. Бунда сув ресурслари билан боғлиқ муаммоларни ҳал қилиш учун иқлим ўзгаришига мослашиш стратегиясини ишлаб чиқиш даркор.

Резолюциянинг қарор чиқарувчи қисмида 2023 йил 22-24 март кунлари Нью-Йоркда БМТ конференциясини ўтказишга қарор қилинди.

Эслатиб ўтамиз, аввалроқ Ўзбекистон БМТ резолюцияларидан бирининг ҳаммуаллифига айланганди.